Lenn : ur blijadur !

Bep miz, Lun kentañ ar miz, etre 8 eur ha 10 eur noz, oc'h pedet a galon vat da zont da vurutellat, studiañ, divizout, reiñ hoc'h ali ha sonjoù diwar-benn oberennoù liesseurt gant lennerien all e Pol brezhoneg Skol an Emsav.

Ar blijadur hon eus d'ho pediñ er miz-mañ c'hoazh, d'un nozvezh gouestlet d'al levrioù e brezhoneg. Digor d'an holl vrezhonegerien pe zanvez brezhonegerien eo an nozvezhioù-mañ !

D'al Lun 5 a viz Du - etre 8e ha 10e - Sal Vallee.
Annaig Renault, eo a gas war-raok ar gaoz. Levrioù a vo kinniget deoc'h lenn bep miz, dibabet e vint gant ar strollad e dibenn an nozvezh; tu vo deoc'h ma n'hoc'h eus ket bet tro da vont c'hoazh, da zivizout, eskemm, prederiañ, dielfennañ, asamblez diwar-benn al levr dibabet, gant plijadur ha kalz a fent, alies !

Evit ar miz-mañ oa bet dibabet gant ar bodad e miz Here : levr danevelloù Ronan Huon 'Ur vouezh er vorenn" embannadurioù Al Liamm.

Pelec'h prenañ al levr ? kavet e vo al levr e gwerzh e stal levrioù Bruno “L’encre de Bretagne” straed Sant-Melen (tost da blasenn Hoche).

Titour : 02 99 87 69 12.
Evit emezelañ d'ar Bodad Lenn 30 € ar bloavezh (bod, emezeladur, asurañs).
Evit skolidi Pol brezhoneg Skol An Emsav enskrivet er c'hentelioù-noz : 10 € ar bloavezh.

UR SELL WAR AL LEVRIOU BREZHONEK gant KALZ A BLIJADUR !