|
Evit piv ?
Digor eo ar c'hentelioù-mañ d'an holl re o deus c'hoant da vont war-raok gant ar brezhoneg ha na c’hallont ket heuliañ kentelioù-noz.
Pal ar c'hentelioù emzeskiñ
Ar stummadur-mañ ho sikouro da gaout fiziañs ennoc'h ha da labourat war ar poentoù yezh a vefe diaes deoc'h !
Petra eo ?
Gant skoazell ur c’helenner e kinnigomp deoc’h kenderc’hel gant ar brezhoneg :
Tri emgav dre bellgomz pe enlinenn hag ur gentelig div eurvezh gant ar strollad emzeskiñ en e bezh evit gwellaat ar c’hompren ha pleustriñ dre gomz dreist-holl.
Er formulenn e kaver ur sizhunvezh staj 35 eurvezh a c'hellot ober e fin ar bloavezh skol pe e-pad ar bloavezh skol a-benn mont war-raok buanoc'h.
Un teuliad nevez (displegadur ur poent yezh, poelladennoù, testennoù, enrolladennoù…) a vo roet bep miz d’an deskidi.
C'hwec'h live zo kinniget : A1 («faux-débutant»), A2 - B1 (etre - emren), B1 (emren), B1 - B2 (emren - barrek), B2 (barrek).
Tro-dro da deir eurvezh a rank bezañ kaset bep sizhun war an teuliad.
E fin ar bloavez e c'hellot tremen an diplom barregezh war ar yezh (DBY)
Ar prizioù
E-barzh ar priz-se e kaver: ur bloavezh emzeskiñ, ur sizhunvezh staj (35h) hag ur c'houmanant d'ar gelaouenn Bremañ
-
900€ evit an embregerezhioù (DIF)
-
500€ evit an dud gopret + 10 € emezeladur
-
420€ evit ar studierien pe an dud dilabour + 10 € emezeladur
Ne vo ket restaolet an arc’hant ur wezh kroget gant ar bloavezh-skol
Pellgargit amañ ar follenn enskrivañ
Gellet a reer paeiañ e meur a-wezh war 10 miz (10 X 51 euro pe 10 x 43 euro ).
Pellgargit amañ ar follenn aotre treuvankañ
|
